一個人出來搵食，要有多少良心至得ｇｅ，人渣見到游泳界好多人仲衰過人渣，為左一己之金錢與榮耀，專門呃ｄ窮鬼幫手搵錢，真係卜街呀！
２００３年果陣，人渣為左想做救生員自力更生，唔想攞綜援，於是自學游泳去考左個救生銅章。學救生果陣時，次次都有ｄ助教來幫手教我地，後來我至知道佢地點解要來幫手，因為佢地有ｄ想考個游泳教練牌，有ｄ想考個拯溺教練牌，原來好多發牌機構，要求要有屬會推薦至可以去考，於是好多人為左獲得屬會推薦，免費幫手教拯溺，免費幫手教游泳都有。代價，係一罐汽水。通常屬會個老闆都會買幾罐水俾ｄ傻仔飲ｇｅ！
果陣時我都想搵佢地推薦考個游泳教練牌同拯溺教練牌，一聽到話要免費幫手做助教，做夠一段時間老闆認為夠啦，先至會推薦你去考，XXXXXXXXXXXXXXXXXX！真係想唔講粗口都唔得呀！
一個學生學費一千蚊，旺季果陣幾十個學生一班，幾皮野架，好多教游泳ｇｅ游泳教練全職教一年都係得幾皮野喳，果幾皮野最後全部落哂老闆個袋，除左ｄ汽水錢，好生意果ｄ屬會，一年唔知開幾多班？淨係食助教果份就夠住跑馬地豪宅啦！
人渣諗來諗去都唔明，點會做得出手架？人渣都已經算賤格，賺果少少錢，我都俾成百幾蚊一粒鍾俾ｄ助教，年尾仲有花紅分，可以置ｄ靚衫過年，只要人渣有多少賺就夠啦！呢ｄ錢人渣真係袋唔落袋呀！抵佢地發達，抵人渣窮死一世架！
人渣覺得一個人窮唔緊要，豈碼都要有多少人性呀，人渣雖然賤格，都仲有少少人性，食得ｇｅ就食，食唔落ｇｅ真係無辦法，要食硬人ｇｅ錢真係食唔落，人渣真係食唔落喎！
呢個世界點解會係咁ｇｅ？人渣幾年前靜修之前，都可能會問呢個問題，因為人渣果陣時好似的學生妹咁天真，靜修之後，麻木左，因為人心不過如此。西方人姦淫擄掠，中國人偷呃拐騙，已經變成佢地ｇｅ天性，唔識姦淫擄掠，無可能係西方立足，唔出去人地國家搶，點可能印印腳有得吃喝玩樂。唔識呃自己人，好難係中國人ｇｅ地方企得穩陣腳，中國人，黃皮樹鹩哥，唔熟唔食架，越熟越好食呀！拍下膊頭，食左你仲要多謝佢推薦呀！
咩游泳總會？咩拯溺總會，咪又係果班屬會老闆組成ｇｅ，總會ｇｅ最大作用就係呢度，因為有總會，至可以號令天下傻仔免費幫手賺錢。
本文作者：快樂坊成人游泳班 http://ncschk.com/ 歡迎引用連結：快樂坊游泳班的垃圾桶 勿作商業用途 【轉載必須包括連結及連結文字，抄襲是賤人所為，人渣不如】
沒有留言:
張貼留言
注意：只有此網誌的成員可以留言。