一個人出來搵食，要有多少良心至得ｇｅ，人渣見到游泳界好多人仲衰過人渣，為左一己之金錢與榮耀，專門呃ｄ窮鬼幫手搵錢，真係卜街呀！
２００３年果陣，人渣為左想做救生員自力更生，唔想攞綜援，於是自學游泳去考左個救生銅章。學救生果陣時，次次都有ｄ助教來幫手教我地，後來我至知道佢地點解要來幫手，因為佢地有ｄ想考個游泳教練牌，有ｄ想考個拯溺教練牌，原來好多發牌機構，要求要有屬會推薦至可以去考，於是好多人為左獲得屬會推薦，免費幫手教拯溺，免費幫手教游泳都有。代價，係一罐汽水。通常屬會個老闆都會買幾罐水俾ｄ傻仔飲ｇｅ！
